En tempos pasados, Hipócrates dicía "somos o que comemos". Agora, a partir dun colectivo de campesiños de Lleida, a Assemblea Pagesa, ponse en marcha unha plataforma da sociedade civil que reivindica "som o que sembrem". Porque na elección dunha semente, no acto de arar a terra, sementala e facela medrar, estamos, en realidade, definindo que modelo de agricultura, de medio rural e de alimentación queremos para nós e para as futuras xeracións.