Se hai 17 meses, cando o presidente cubano Fidel Castro se retirou por problemas de saúde da primeira liña política, preguntasen aos españois cal sería a situación de Cuba ao comezo de 2008, poucos afirmarían que a normalidade e a institucionalidade sería absoluta.

Veñen tempos de definición para Cuba. O próximo 20 de xaneiro de 2008 ábrese o período de elección dos 614 representantes para a Asemblea Nacional do Poder Popular (ANPP), principal organismo lexislativo do país. Os seus membros estarán facultados para elixir o próximo 5 de marzo aos presidentes e delegados do Consello de Estado e de Ministros, principais órganos de dirección do país.

É a decimosexta vez consecutiva que a ONU condena o bloqueo e xa que logo que EUA despreza a ese organismo internacional coa escusa de que o seu con Cuba é de carácter bilateral. Mais como dixo o ministro de Exteriores cubano, Felipe Pérez Roque: “o bloqueo non afecta só aos cubanos, é unha afrenta ao dereito internacional, á Carta das Nacións Unidas e ao dereito de calquera país a comerciar con quen queira”.