Os feitos son os que seguen. O domingo 20 de decembro de 2009 varios descoñecidos asasinaron a tiros a Ramiro Rivera no municipio de Sensuntepeque (Cabanas), membro destacado do Comité Ambiental de Cabanas e rostro visíbel do movemento popular contrario á explotación mineira en devandito departamento. Xunto a el, faleceu tamén Felicita Echeverría, de 57 anos de idade e familiar de Rivera, e resultou ferida unha adolescente de 13 anos. A esta morte únese a desaparición, o pasado mes de xuño, doutro líder da comunidade e activista ambiental, Marcelo Rivera, quen foi atopado morto 12 días despois, con graves signos de tortura.

Ambos os activistas destacaran por oporse á empresa canadense Pacific Rim que pretende explotar un xacemento de ouro no municipio de San Isidro. A compañía opera no Salvador desde o ano 2002 pero a forte oposición popular a este proxecto e as irregularidades atopadas no seu Estudo de Impacto Ambiental fixeron que o goberno salvadoreño lle denegara o permiso de explotación do terreo.

En resposta, a compañía demandou ao Salvador por "violación dun investimento?" e pide, en concepto de indemnización, 100 millóns de dólares. Denuncian que os casos de represión, ameazas, asasinatos e violencia incrementáronse alarmantemente nos últimos meses, pondo en grave risco a seguridade e integridade física dos membros das diferentes organizacións sociais mobilizadas en contra deste proxecto mineiro.

A Mesa Nacional fronte á Minería Metálica, plataforma que agrupa a máis dunha decena de ONGs e organizacións sociais salvadoreñas pide solidariedade con respecto a estes terríbeis feitos e que o goberno salvadoreño reaccione con dilixencia. Todo o apoio para estes valentes activistas.