A UE demostrou ser un armazón institucional antidemocrático ao servizo dos intereses das multinacionais e das elites dos estados membros. Sirva de exemplo a orientación econonomicista e contraria aos dereitos sociais básicos do Tratado de Lisboa , aprobado sen consultar á cidadanía (salvo en Irlanda, por imperativo legal). Para servir a eses intereses, a UE non dubida en rebaixar as condicións laborais e en facilitar os despedimentos e a destrución de emprego, como demostra a doutrina da “flexiseguridade”. Igualmente, defende con todo o seu aparello diplomático as estratexias comerciais e empresariais abusivas das empresas europeas en países do Sur.

Non son poucas as organizacións que se opoñen a esta visión de Europa, rexeitando os mal chamados “Acordos de Asociación” –unha nova forma de “neocolonialismo” e de espolio da natureza e das poboacións do Sur–, o desmantelamento e a privatización dos servizos públicos, a política sobre as fronteiras ou o falso discurso ambientalista da UE.

Case un cento de organizacións incidirán nestes e outros aspectos ao longo do semestre da Presidencia española da UE. Entre as accións de resposta:

•6 de xaneiro. Foro Alternativo á xuntanza de ministros/as de enerxía e medio ambiente na cidade de Sevilla.

•27-28 de xaneiro. Foro Alternativo á xuntanza sobre traballo de Barcelona.

•17-19 de maio. Actos en paralelo á xuntanza da UE, e América Latina e O Caribe.

•25 de maio. Mobilizacións contra a presenza de tropas da UE e EUA en Afganistán coincidindo co cume UE-UA de Madrid.

•30 de maio ao 1 de xuño. Mobilizacións centradas na reforma da PAC e contra os transxénicos na reunión de ministros/as de agricultura en Mérida.

•6-7 de xuño. Foro Alternativo e mobilizacións á xuntanza da Rexión Euromediterránea.

Tamén haberá mobilizacións centradas no dereito á autodeterminacion do Sahara, coincidindo co cume UE-Marrocos de Granada.

+INFO: www.enlazandoalternativas.org