Foi impulsado por Bertrand Russell, premio Nobel de Literatura en 1950, e presidido por Jean-Paul Sartre. O seu obxectivo actual é xulgar as violacións do dereito internacional das que é vítima a poboación palestina e que a privan dun Estado soberano. Son moitas, por todos sabidas, sirvan de exemplo a construcción do muro entre Israel e Palestina, que segundo decisión da Corte Internacional de Xustiza (CIJ) é ilegal, ou a guerra librada polo Goberno e o exército israelís en decembro de 2008 na franxa de Gaza.

Este Tribunal, evidentemente, non ten validez xurídica, pero consegue ser un tribunal popular de conciencia fronte ás inxustizas e impunidade das violacións do dereito internacional. O Comité de apoio internacional conta xa con máis de 100 persoeiros de todos os ámbitos, como Boutros Boutros-Ghali (ex secretario xeral da ONU), Mohammed Bedjaoui (ex presidente do Tribunal Internacional de Xustiza), Noam Chomsky (catedrático do MIT), Ken Loach (cineasta) ou José Saramago (premio Nobel de Literatura en 1998). Pero sobre todo, ten o apoio de toda a sociedade española, que sempre se mostrou solidaria co sufrimento da poboación palestina. O Goberno deberá tomar boa nota das súas resolucións, que non serán vinculantes xuridicamente, pero terán, sen dúbida, toda a lexitimidade da razón, o sentido común e a solidariedade.